Bretzel

Hiefdeeg usetze : 

• 500 g Miel
• 2 Eeër
• 1 Pack Frëschhief oder 2 P. Drëschenhief
• 2 Essl. Zocker
• 1/2 Teel Salz
• 50 g Fairbotter
• 100 ml Fairmëllech
• 100 g wäisse Yoghurt oder wäisse Kéis

Zoubereedung

Mëllech zes mam Botter an enger Kasseroll wootlech schmëlze
Miel an eng grousser Schossel maachen.
Alles zes. dra maachen a mat de Knethake
vum Mixer zu engem schéine glaten Hiefdeeg verréieren .
ebesse Miel driwwer pudderen , an zougedeckt op
enger waarmer Platz opgoe loosse bis en sech verduebelt huet.

Marzipan Fëllung fir de Bretzel
am Beschten den Dag virdru maache

• 50 g Griess ( Semoule ) sou aus der Verpackung
• 60 g Botter liicht schmëlzen
• 150 g Mielzocker
• 2 Essl. gemuele Mandele
• 5 Drëpse Bittermandelextrakt
• 3 Essl Mëllech

Alles zesummen 20 Minn gutt matenee verréieren
an zum Schluss 1/2 Teel. donkele Kakao dra maachen .
an enger zouener Këscht puer Stonne kal stellen .

Miel op den Dësch pudderen
Den Deeg op den Dësch nees gutt duerchknieden , an en laang ausrullen .
Mat der Forschett apicken.
4 oder 5 breed Sträife schneiden, eng Säit mat geklapptem Eegiel
usträichen .
Marzipanmass nees duergréieren , an eng Sprëtz afëllen .
De laange Wee iwwer den Deeg eng Sträif mat Marzipan sprëtzen .
Den Deeg zesumme rullen, duerch d Eegiel pecht et gutt .
lo déi ganz Strull wéi eng Spiral dréinen , a wéi eng Bretzel formen .
Déi 2 Enner nees mat Eegiel upëschen , an déi ganz Bretzel mat Eegiel usträichen .
Op de Bakblech mat Bakpabeier leeën .
Am 30 Grad waarme Schäffchen, eng hallef Stonn opgoe loossen .Et ginn 2 Bakblech .( 4 Bretzelen )
Bake bei 150 Grad mat Ëmloft, bis se schéi brong sinn.
Eraushuelen , just liicht ofkillen a mat waarmen Hunneg usträichen .
An enger Pan gi Mandelblieder geréischtert an iwwer den Hunneg gestreet.
Dat heite Rezept ass derwäert fir nogemeet ze ginn.

Gudden Appetit